السلام عليكم ...
سيدي الكريم د. عثمان العبد الله
لك ولكل الأعضاء الأفاضل الكرام
تفاعلا مع قصيدة خلع الضرس
وليست مجاراة لأن شموخك لا يجارا ..
اقتباس:
المشاركة الأصلية كتبت بواسطة الطائر المهاجر
ضرسك اذا من اوجعك لابد يومٍ تخلعه= والشر لا منه بدا بالشر لابد تتقيه
تذكير للي ناسيٍ او جاهلٍ في واقعه= يمكن يغيّر موقفه ماله بدربٍ به يتيه
فالحلم ما يوقف اذى من بالأذيه يتبعه= ايشوف في حلمه ضعُفْ لو عن عقل يسكت عليه
الوقت غيّر في النفوس اللي تدوّر مطمعه= سمّ الحضاره وشربت ببلا ضميرٍ ترتجيه
لاصار ما به مصلحه ابنه ترى قد يوجعه= ويمكن يطوله بالأذى في وقت ماهو محتريه
مهما يربي فالزمن من دون يدري يلسعه = ولو هو توقّع وانتبه اوقال ذا ابني سفيه
لا يقول عاقل لو بدا بالهرج دايم يخدعه= يمكن اذا منه كبر يمشي بدربٍ ما يبيه
ان كان يتستر عليه لامن وقع في مخمعه = مثله يقع في غلطته والكل حوله يبتليه
صندوق تفاحه اذا به وحدة ما يمنعه= يرمي بها مادامها خربانه بْريحٍ كريه
ينقذ بقية ما بقى ممن يطيّب مسمعه = ويدري بأنه لو خرب فعله ولاهو مرتضيه
والعاطفه لوتاخذه يخسر بوقت المعمعه = من دون عقلٍ قايده وهو بدربه مقتفيه
ودامه مشى دربٍ عدل بالعقل في كل اوضعه= مايخاف إلا من عليم السر واللي ينتويه
|
وهنا تقبّلها كما هي لا عدمتك ..
الضرس بالك تشلعه
كان كل مانشتكي ضرس ٍ نروح ونشلعه = فالمصيبة لا بغينا الزاد ، وش نأكل عليه
الصبر طب و دواء ، للي يريد ، المنفعة = ولحمه ودمه أمانة ، في يده محد ٍ يجيه
لو هو يزرع ، كل يوم ٍ بالفصول الأربعة = ما جني لونصف محصوله لحول ٍ مشتقيه
وكل حَب ٍ يرجع لبذره ، حسب ما تزرعه = والحصيف اللي يعرف النوع دامه منتقيه
والولد ، مهما كبر ! باللين ، ممكن تقنعه = ما حد ٍ عايش بها لدنيا . بلا عيب ونزيه
والعقول أرزاق ، من ، عند الإله موزعه = ما انكتب له في جبينه لازم انه ، يلتقيه
وكل إنسان ٍ بعنقه طائره ،، ملزم معه = وين ما يمشي يراقب كل درب ٍ به مشيه
وراعي النمات ودك ! لو لسانه تقطعه = لا نقل بين الولد ، و أبوه هرج ٍ مجتريه
ياما والد ، من فراق ابنه تها مل مدمعه = وياما أم ٍ ساهرة ، طول الليالي تحتريه
عارفين الحر مهما طار ، وكره مرجعه = وأبرق الريش إن تبعّد ، في مطيرة بيتيه
ودّك الرجّال لا صلف ٍ ولا هوب إمـّعه = بينهن ، ير و ز نفسه ، لا لذ يك ولا لذيه
من تواضع عن كِبِر حق ٍ على الله يرفعه = لمركزٍ مرموق بين الناس وحال ٍ يرتضيه
تحياتي لشخصك ولجميع الأعضاءاخوك / محمد بن عمار