[عمر ال شيبي]

المشاركة الأصلية كتبت بواسطة بعيد المدى

فتشت شريط الذكريات و فليته=حتى تدامت به جروحٍ مخفاه
نبشت به خافيه واحييت ميته=تذكار حبٍ لامس الجرح وحياه
يطول ليل وصبح ليل احتريته=يوم مد ليلي قلت مارد ظلماه
يابندر الغازي سريت وسريته=ليلٍ سريته يابيض الوجه مقساه
سرت بي أقدامي على صوب بيته=ماكني الا موقنن به و بلقاه
لجت زوايا البيت وأبكت مبيته=بكى رحيله يومه قفًى ولاجاه
ليت القدر جاني على مابغيته=وبقى الزمان اللي مع الترف عشناه
ياكثر والله ماعنيت ولفيته=راع الجدايل والكفوف المحناه
أقفت بها الأيام واقول ليته=ترجع بنا الأيام حزة ملاماه
رغم الليال اللي مضت مانسيته=يدقني الهاجوس وازور مرباه
اسوق رجلي لموطنن به لقيته=ما باقي الا رسم بيته وذكراه
آقف على الأطلال ياكم جيته=و البال يضحك والمشاعر تمناه
ياكثر من عذب الحكي ماسقيته=ياكثر مسقاني علومٍ محلاه
اللي طواني من غلاه وطويته=طوي السواني تطوي الدلو ورشاه
تدري بكيته ايه والله بكيته=وش لون مبكي مهجة الروح ومناه

الله يصبرك ونعود لارتواء العذب صباح ومسا