احذر من اللي رفقته كلها إدجـال
ساعة يجيك الضيق ينسى مكانـه
ترى النذل لونك تمسكت بحبـال
يقطعك من باقي الفرج والاعانـه
النذل صندوقٍ بلا بـاب وإقفـال
والاجودي صندوق يصعب ختانه
النذل وادي ياخذك كـل ماسـال
والاجودي عِدوه يعرف الرزانـه
النذل موجٍ يدفعـك كـل ماقـال
والاجودي شـط النجـاة لعيانـه
النـذل نـارٍ مالهـا رفـد ودلال
والاجودي يعطيـك لقمـة بنانـه
النذل لقليبك وعقلك مرض صـال
والاجودي لعقلك وقلبـك صيانـه
النذل كلمه مالهـا قـدر وافعـال
والاجودي معنى وقيمـه وامانـه
احذر حذاري محذرينك بالامثـال
خوفا عليك من الغـدر والاهانـه
المستريح اللي يدور هنـا البـال
يمشي على وضح النقـا واتزانـه
صح لسانك مليون ولايكفون
قصيدة جزلة من شاعر جزل متمكن
سلمت ودام حرفك