[علي الحامد]

المشاركة الأصلية كتبت بواسطة محمد بن عمار

السلام عليكم ...
مشاركة معسوفة بملزمة
تطعيج الحديد ، ههههههه
بالمشاكس والمعاند وحصل
ضرب في كم بيت هههههه
المهم هذه قدامكم والرآي رآيكم

الصافنات المساريج

سج الفكر واهموم قلبي معاريج = والنوم جافا العين وجدد سهرها
غدت طعوني منه مثل الخراريج = من شاف حالي في شقاها عذرها
يرجف رجيف الصافنات المساريج = يوم الطلا يب جامحات ٍ بأثرها
إلى عدن صوب ،الفيافي الزراريج = في ليلة ٍ مفقود ، فيها قمرها
يدكني الهاجوس د ك البواريج = و الروح من جوره ، تزايد قهرها
أعوي عواء ذيب ٍ بعالي المداريج = دمعي على الأوجان نزفه غمرها
إنشلّ فكري من لحوظ ٍ تباريج = اللي بسهم الموت يقدح شررها
تلتّ خفوقي مثل تل الدراريج = لرشاء الدلو والصوح جاله نثرها
حبي لها ماهوب حب الخواريج = حب ٍ ضنى حالي و نفسي دمرها
على النقاء ماهيب تمشي بهاريج = عن كل درب ٍ شين غضّت نظرها
ماعمرها تسمع لحكي الهراريج = وأهل النمايم ، يوم شاعوا خبرها
نزّهتها عن موجبات التحاريج = و قدمت روحي والمشاعر مهرها
جاعد شبيه ا معرّجات الكراريج = فوق المتون ، امجدلين ٍ شعرها
الصدر زامي فيه بيض الفراريج = والقد غصن ٍ هاز ع ٍِ به ثمرها
والخد يشعل ، مثل نور السراريج = و الجمر يوقد في مجامر ثغرها
والوسط مطوي مثل طي الكواريج = والعقد مفتول ٍ ، يطوّ ق نحرها
راعي الهوى ماظن يلقى مخاريج = مهما عن الغزلان نفسه عسرها
يصبر عسى ربه يجيب التفاريج = وترتاح نفسه ، من تزايد كدرها

مودتي لشموخ ذوائقكم ...

شاعر نا القدير / محمد بن عمار

ماشاء الله تبارك الله

صح لسانك حتى ترضى

هذي طال عمرك فيها القدره الفائقه

على الوصول بالشعر الى القمه

ما فيها عسف

احترامي لهذه المقدره الشعريه

دمت بكل الخير

ودام تواجدك