والله يا أخوان ... أني مدري وش أقول ؟؟ لكن أنا كل ماضاق صدري دقيت سلف السيارة بعد صلاة العصر وطرت يم الشرقيه أوصل هناك أروح شاطي الخبر حر برد مايهمني أدخل مطعم كودو اصفق لي وجبه ثم أطلع آخذ لفه على الكورنيش ثم أروح محل انترنت أو كافي أجلس إلى قرابة الفجر أطلع وامشي يم راس تنورة اصلي الفجر على الخط ثم أروح لشاطيء ارامكو اسبح هناك مع أني ما اعرف اسبح بس طرطشة خخخخخخخخ ثم لين اشتدت الشمس تمسحت ولبست ومشيت استاجرت لي غرفه رخص التراب نمت لين اصحصح ثم اقوم وامشي لديرتي <- هذا مختصر سياحتي الداخليه ولا تكلفني الرحلة مبلغ كبير يمكن 300 ريال تقريباً وأعود مبسوط ومستانس أما السياحه الخارجيه ففي هذه السنه بحول الله وقوته بروح سياحه دراسيه في مصر وباشوف فأن أعجبني الوضع علمتكم بإذن الله ...<-- كل الكلام السابق من ناحيه شخصيه بحته .. من ناحيه عامه : من كلام الناس وجدت أن السياحه الداخليه (اكسبنسف) <-- يعني غاليه .. وفيها سرقة أموال شرعيه فتجد الشقق فيها غلاء فاحش وتجد أمور كثيرة مقارنه بالبلاد الي لها باع في السياحه تعتبر خدماتنا الداخليه ولا شيء فأكيد لو كنت شخص تخير بين صناعه سياحيه متقدمه ومتطورة ورخيصة نسبياً بالنسبه لسياحتنا الداخليه أكيد راح تجذبك ... أيضاً فلنفترض أن السياحه الداخليه بتكلفني نفس قيمة السياحه الخارجيه إذا حسبت مصاريفها كاملة <-- أكيد بختار الخارجيه لأن هناك فرق في الأجواء وفي الخدمات ولو اتفقت القيمة ماسبق لا يتعدى كونه وجهة نظر قابله للنقد تحياتي ..