قالت احبك قلت متاكده زين ؟=لايكون جبتيها من رخاص الافلام
قالت اكيد انته حبيبي من سنين=وانا عرفته يا عرب بس من عام
ترفقي يا بنت لا تستعجلين=هدفك قرب او ناويتني با الاعدام
كلمة (احبك) ضاع فيها ملايين=شربوا سراب وعايشوا زيف واوهام
كلمة (احبك)رددوها كثيرين=يا عن جهل والا لهم قصد هدام
يقولها الواحد بساعه لثنتين=وتقولها الوحده لشخصين وتنام
الكل منهم جوفه يظم قلبين=قلب فضيخ وقلب ما يعرف هيام
واذا نصحهم واحد وقال غادين=الحب ما هو لعب ومبادل ارقام
الحب له دستور بين المحبين=ماهو مثل ما تنتجه دور الاعلام
ضحكوا وقالوا حبنا وارد الفين=ما يعترف بشروط وسلوم واحكام
اذا تعدى يوم عشنا سعيدين=وان طال عمره ما بلغ خمسة ايام