اخي منيع
مشكور على طرح هذا الموضوع الحساس
مشكور على نقله الى موقعنا جزاك الله الف خير على هذا العمل
وانا لي ملاحضه احب طرحها مثلك
في ايام مضت وعلى بداية افتتاح قناه فضائيه اسمها سوالف
حصل هذا الموقف
تخيلو رقم بنت على الشاشه رقم رقم كامل تحت عنوان بنت القصيم
انا سراحه لااخفيكم دقيت على الرقم اثناء الليل وجدته مشغول اكثر من مره
الصباح الباكر دقيت وحصلته انتظار استغربت الوضع ارسلت رساله وجاء رد الرساله
بان اللذي وضع الرقم غير معروف هنا بدات في الحيره مسكينه مالها ذنب من وضع رقمها
هنا العتب على صاحب القناه اللذي سهل عملية وضع الارقام بغرض التعارف
وبما اني شاعر قلت هذه القصيده ارجو ان تحوز على رضاكم
الـبـارحـه دقـيــت والـرقــم مـشـغـول = والـيـوم حصلـتـه بـوضـع انـتـظـاري
الوقـت كلـه راح مـن غيـر محصـول = اثناء عشـر ساعـه دبـل باختصـاري
وجلسـت افكـر حايـر الفكـر مـذهـول = و اونـس بقلبـي مثـل طعـن الشبـاري
طعنـات وسـط القلـب والقلـب مقتـول = ويمكن يصير الوضع وضع انتحاري
جعل الهواتف تضرب اشواط وتزول = وارسـالـهـا يـبـقـى بـحـالـة طـــواري
والخط ممنوع(ن) علـى كـل مجمـول = يصدر علـى شانـه قـرار(ن) وزاري
صارت فضايحكم علـى كـل محمـول = عـبـر الرسـايـل بالفضـايـح نـمــاري
غـزو(ن) فضائـي فالقنـوات معـمـول = وارقــام تـوضـع للكـبـار وصـغـاري
قالـو سـوالـف والـهـوى فـيـه مـدلـول = عـبــر الـتــردد والـقـمـر فـالـمــداري
وابشـر برقمـك بيـن طـيـب ومهـبـول = وخلك علـى الارسـال جمـره ونـاري
ناس(ن) على ماضن ماعندها اعقول = ضاعـت بليـا عـرف وقـت النـهـاري
المعرفـه مـاجـات بـارسـال مـرسـول = وتبـادل اوهـام(ن) بوسـط الـحـواري
المـعـرفـه تـبـغـا صـنـاديـد وزحـــول = ناس(ن) تعشق الطيب سر وجهـاري