للشاعر : محمد عيد
راقت لي فأحببت مشاركتكم بمتعة قرائتها
لا تحسبنّي عقـب فرقـاك مرتـاح
هذا حصل غصـبٍ عليـك وعليّـه
حنا أفترقنا والغـلا حـيّ مـاراح
وعيني عقب فرقـاك دايـم شقّيـه
لو طالـت الدنيـا وزادنّ الاجـراح
ماني بعاشق غيـر هـالاّجوديـه
واذكر زمانٍ فـات ويـاك بفـراح
وما كنت أفكّر نفترق عقـب ذيـه
وماكّل من غاص البحر قيل سبـاح
وماكّل واحد عاش عيشـه هنيّـه
وماكّل بارق فيـه ماطـر ليّـا لاح
وراع الوفا صعبه يجيـب الردّيـه
وترى الغلا شامخ ولا ظنتي طـاح
وتبقا غلاتك دام هالشمس حيّـه
وأنشهدٍِ البعـد يـا نـاس ذبـاح
وهذا نصيبي بينِ روحه وجيّه
والسّد عقبك يا غلاتي تـرى بـاح
وهذي صواديف الليّالي قويّه
ولاني عقب فرقـاك والله مرتـاح
هذا حصل غصبٍ عليك وعليّه