اقتباس:
المشاركة الأصلية كتبت بواسطة بعيد المدى
سراب البعد
ياغايته نادى خفوقه يراجيك =حلت به الرجوى على ُبعْد يسأل
مل السهر يبحر هقاوي موانيك=لاشاف له مرسى ولابان له حل
أتعبتها روحٍه سجينة طواريك=سجن الغلا اللي حل بالقلب محتل
لمعة سرابك بُعْد يوهم حراويك =يوقد بها شمعة أمل ثم يرحل
مْقفي رجا تسمع وحرفه يناديك = مامل حرفه ما كتب فيك ياخل
إسأل جناب محرك البحث ينبيك=انك بقلبه حاوي الكل بالكل
مافيه رمزٍ من معاني أساميك = إلا تجلت صورتك كنها تطل
يهيم في عالم خيالك يحاكيك =ويسقيك من هتان الأشواق ويعل
ويتوه مع لهفة وصالك مناجيك=ويشوفك أحلى ياغلا القلب واجمل
|
صح لسانك طيبه ومؤثره
مت لنا صرح شامخ
ليتك معي يا خل وسمع حكاويك =اللي تسر الروح دامك لنا فل