مدخل :
الصبر سلاح المؤمن ...
قمة الصبر تسكت وانت قلبك جريح=ونبض جرحك يقول اللي تبي من كلام
واخر الجرح دمعه فوق وجه سميح=تكتب اخر عباره من فصول الملام
حد شفرة ملامك للبشر يا ذبيح=لكن احذر تميط عن الوجيه اللثام
لو جرحهم سكوتك فانت فعلا فصيح=ولو كشفهم ملامك فانت ماشي تمام
لا بليت بفصاحه فانتبه لا تصيح=ولو خسرت الصداقه فاكسب الاحترام
لغير صدرك بسرك لا تحاول تبيح=وان تجاوز ضلوعك ما بقى له ذمام
ينتشر بالصدور ويذهب ادراج ريح=ومن كشف ستر صدره ذاق كاس الحمام
وان طٌلب منك راي فخل رايك صريح=كل راي يجمِّل فيه رفعة مقام
وخل وجهك مهلي بالزمان الشحيح=ينتقل ذكرك الطيب لكل الانام
ولا تجاري جويهل في كلامه قبيح=وخاو من لا بليت يرد عنك السهام
صاحبٍ لا نخيته جاء بهبات ريح=بادله بالجميل وبادره بالسلام
ما على الارض في هذا الزمن مستريح=دام هالناس تهوى الغدر والانتقام
ولا يزال الامل يفتح مجالٍ فسيح=ولا يزال الهوى للنفس الد الخصام
وينهض الحق والباطل بطبعه يطيح=لاحتكمنا لشرع الله ودين السلام
مخرج :
التذمر معول هدم وطريق الفشل ..
تقبلوا تحياتي
سعيد الغامدي