اقتباس:
المشاركة الأصلية كتبت بواسطة عبدالعزيز الرقابي
صبرّك على نفسك ولا منة الناس=اصبر وخل الصبر هو راس مالك
مادام بنّيك ياعميلي على ساس=الله رب العرش يستر حوالك
كم ليلة ٍ غاب القمر وارسل الياس=وكم ليلة ٍ خافي ضميرك شكى لك
وكم ديرة ٍ فيها من الناس اجناس=هذا وفي ّ وذاك سبة شقى لك
وكم ليلة ٍ فيها من الشعر احساس=هات القصيد ومن هو اللي حكى لك
كنك فهمت القلب بالعشق ينداس=فهمني كيف السالفه هي شفى لك
شربت من مر ٍ وعلقم بهالكاس=سقاني من مر الزمان وسقى لك
كتبت انا الاشعار وعندي بكراس=فيها سموم وبعضها من دوا لك
لاتذكر الماضي ولا تقهر الناس=ولا تكتب إلاّ اللي تشوفه هوى لك
خلك فهيم ودايم الدوم نبراس=من يطلب العليا تشوفه سعى لك
وخلك على علمي على الضيم دواس=ترى الذي ينساك ماهو في بالك
قلته وانا لي بالمواثيق حراس=يازين حظك بعد غيبه سرى لك
أتمى أن تجد نافذه الى قلوبكم ..
عبدالعزيز الرقابي |
اخي الكريم عبدالعزيز الرقابي
قصيده جميله وهادفه
صح الله السانك واجاد بيانك
وننتظر جديدك يالغالي بشوق