[حرف وشعر]

المشاركة الأصلية كتبت بواسطة مسلم عواد العميري

تدرج مع الفكره على مايريد البيت=وحدّ المعاني واختصر في قوافيها
وزود وقود النار واغلي عليها الزيت=على اللي نوت تخلف ظنون وهقاويها
ربينا سوا واليوم تعلن علىّ تعنيت=على من يشرف لاسمها طالت إيديها
انا من ولع حبي لها باسمها ناديت=اذا احدٍ زهم باسمي على طول اسميها
وانا اللي لها من دمي ومايروق اعطيت=وبعد الوفا هذا اخرتها وتاليها
انادي بلم الشمل ينتابها التشتيت=تيمّم وهي في زيرها مايوضيها
وقامت تنكر للوفا والعطا والصيت=وصارت تعاديني وانا اللي مصافيها
وحبت ولد نواس واقفت مع ابو بكيت=نوت بيعتي مادام باعت اهاليها
هنوفٍ لها خاطر تمرد على اهل البيت=بعد ماتوفى العايل اللي مربيها
مادام انها تلعب على فارق التوقيت=انا حالف اني غير اشيّب نواصيها
وعيونٍ تعلاتها الحواجب لها تسميت=بلاك العيون اللي حجبها وقع فيها

سلامي عليك يامسلم

هكذا الشعر الذي يصطبح

به ولا فلا

ابيات صادقه ومعبره جدا

ومثل قال لك الداعي نحمد الله علي


سلامتك يالغالي