[الطائر المهاجر]

هالحين وعرفنا مراحل تطور العربجي
بقي نعرف ماهي مراحل تطور العربجية
1- في فترة حمل امها ، يكون لدى الأم رغبة جامحة للمطاق مع الحريم ، بدون سبب.
2- عند الولادة ، يفضل الإبتعاد عنها ، لأنها رايح تضرب اقرب واحد عندها كف على اذنه.
3- عند وصول العربجية الصغيرة ، يكون مولود معها مشعاب.
4- مع بدء الزحف او الحبي ، تحصلها ما يردها إلا باب الشارع .
5- مع المشي ، تلقاها تدسس بين السيارات اللي جنب البيت تدور قطاوة ويا ويل القطوة لو تمسكها ،
اول ما تسوي تفقع عيونها ، ثم تمزر رقبتها ، خاصة اذا القطوة توها صغيره ، واذا كانت كبيرة ، تمسكها
مع ذنبها وتدور بها كم دوره ثم ترجمها قدام السيارات.
6- عند دخول المدرسة ، تكون مسوية جدايلها قنازع طايرات في السماء ، ولابسه كنادر كوره "بوت"
وأول ما تشوف الفراشه ، ومع زحمة الطالبات ، تقوم تنغزها في ظهرها بدبوس ، الين تقول أي ، ولا تعرف من اللي نغزها.
7- في الفصل والمدرسة ملقيتهم ظهرها ، تبدأ في تربية الطالبات وحدة وحدة ، كف على الطاير ، ولا ما شاف
ولا من درى . وفي الفسحه ، تفتح شناط الطالبات وما لقته ذبته مع دريشة الفصل .
8- في المتوسط تبدأ بجلب سكين صغيره معها ، وتلبس شراب خصيصا حتى توزيها فيه.
9- في الثانوية ، تكون متعلمة الفوتوشوب ودمج الصور ، ويكون معها جوال ابو كمره ، وتصور المدرسات ، وتمسكهن وحده وحدة ، وتوريهن صورهن بعد ما تركب وجه المدرسة على صورة خالعه ، وتهددها اذا ما تعطيها امتياز في المادة ، رايح تنشرها في الإنترنت .
10- في الجامعه تطلع من اهلها ولا يدرون وش في شنطتها وهي حاطه ثوب وشماع وعقال ، ومجرد ما تصير في
شارع ماعليه حركة ، حتى تكفخ السواق بكف ، وتلبس ملابس الرجال وتسوق الين تقبل على الجامعه. ونفس سيناريو الثانوي يتكرر مع مدرسات الجامعه ، من ناحية التصوير.
11- بعد الزواج ، ان كان تزوجت عربجي ، تبي تلاحظ البيت فيه مدفع هاون ومضاد دبابات وطائرات ومختلف
أنواع الأسلحه ، وأذا كان ابن حلال وطيب ، الله يعينه كل يوم رايح يكفخ وعلى اتفه سبب.