كافــــــــــي

[فارس القوافي]

كل عام وانتم بخير
ختامية قبل رمضان مقدماً

كافي زعل ياروح هالروح كافي = مشتاق لك والعين تشتاق شوفك
في غيبتك بانت جميع الخوافي = وانشقّ صدري من مواري كسوفك
من حرقة غيابك بقول اعترافي = ما نامت عيوني تلاحق طيوفك
آدوّرك وامشي بهالارض حافي = وآطا على اشواك الهجر ما اعوفك
تعبان بغيابك وقربك يشافي = تشفي جروحي كلمة ٍ من حروفك
كلمة أحبك بعد طول التجافي = وش حلوها تبعد من القلب خوفك
كبّي الزعل والقلب للقلب وافي = قولي متى ترضي وتسمح ظروفك
محتاج اضمّك حيث لك صدر دافي = وآقابلك والمس بيدّي كفوفك
انتي بليل البرد ستر ولحافي = وانتي لشمس القيض ظلّي بروفك
يمّ العيون الدعج والخد صافي = محلاك ياعمري ومحلا وصوفك
وكافي زعل ياروح هالروح كافي = مشتاق لك والعين تشتاق شوفك

[عبدالله الشويمان]

مشتاق لك والعين تشتاق شوفـك


الله الله صح السانك يا اخ خالد

قصيده عذبه وجزلة المعنى والمبنى

دمت بخير ولا هنت

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[خيالة الشعر]

اللللللللللللللله عليك يافارس
قصيدة تروي الذائقة وتشعل فتيل الرضا
هكذا هو الشعر والا فلا
جمال وعذوبه وسلاسه واتقان
صح لسانك مدد بلا عدد
لاعدمتك

[سناعيس]

كــبّــي الــزعـــل والـقــلــب لـلـقـلــب وافـــــي

قـولـي مـتـى تـرضـي وتسـمـح ظـروفـك

الله الله

صح لسانك ياخالد

ولله درك

تحياتي

[داعي الشوق]

صح لسانك مليون يتقارب القوافي شاعر جزل ما فيك حيله ولاهنت

[سمّار]

صح لسانك وقلبك
ختامية ولا اروع
حبك وسبك وقافية وطرق ولا اجمل
عشت وعاش ابداعك
لاخلا ولا عدم

[اللهيبي]

صح لسانك وقلبك
ولاهنت
احترامي واطيب تجياتي

[المديهيم]

احسنت
ابداع × ابداع
لاهنت
تحياتي الطيبه

[حوريه]

دائما مبدع وممتع يا فارس
صح قلبك ودام حرفك
ودمت بكل خير
0
0