انا طيّب ولكن غير ساذج

[الطائر المهاجر]

انا    طيّب    ولكن    غير    ساذجلبيب    وفاهمٍ    معنى     الإشاره

احسّب     كل      مردودٍ      وناتجبعلم   الطيب   لا    علم    التجاره

عركني الوقت  مع  درس  المناهجوعرفت الناس  من  بدو  وحضاره

اذا  من  شفت  لي  شخصٍ  يلاججعلى  الباطل  فعرفي  له  خساره

فراعي  الحق   ماهو   من   يحاججتكفي     البيّنه      ترفد      جداره

واذا من شفت من  بالضحك  هازجخذيت الحذر  حتى  اعرف  مساره

فبعض   الناس   لو   بحجاج    بالجخبيث    وماكرٍ    باهل     الطهاره

واذا  من  شفت  من  فنخره  نافجومغرورٍ       وسمته       باحتقاره

واذا  من  شفت  بالهرجات  سامجعرفته طبل  لو  هو  في  الصداره

واذا  من  شفت  مثل   المر   لابجعلى    كبدي    كويته     بالشراره

واذا من شفت من  بالفحش  هارجعرفته    ماشيٍ     نحو     انحداره

واذا من  شفت  من  تأسره  داعجعرفته    خبل    قلبه    باخضراره

فلا   هو   عارفٍ    وين    المخارجعطى    عقله    لغيره     باختياره

يقول   الحب   في    قلبي    لغانجولا    لي    حيلةٍ    بالقلب     ناره

مدام    الحب    يدرس    كالمناهجترى    معظمه     تمثيل     بمهاره

احب   الرجل   عقله   دوم   ناضجواحب    البنت     بحرٍ     بالغزاره

اذا  من  شافت  اللي  شبه   عالجعطته   النار   يوقف   من   خواره

ولو    ترسل     صواريخ     البوارجتهده    لين    ما     يفقد     وقاره

يجنبها     على      كل      المدارجومن   مثله   اخذ    درس    بنهاره

ترى اردى الناس من يهوى المباهجعلى حساب العقل  في  كل  غاره

وترى اردى الناس من بالمكر دارجيظن  الخبث   في   دربه   شطاره

واذا   منّك   سبرته   شفت    ناعجيدربي   الراس   مايدري    مساره

[عيدالماجد]

صح لسانك مليون يااستاذنا الفاضل وشاعرنا المميز تحفه فنيه تستحق التقدير صح لسانك ولنا للابداع عوده قريبه انشالله

[شجون القصيد]

الله الله


لافض فوووك درر مميزه


مدرسه في الحكمه


دائما مبدع نتعلم منك اتقان الحرف واختيار المعاني


صح لسااانك ملايين ولاهنت


تحياااتي

[عبدالله مذكر العقيلي]

جزله من راس جزل

صح لسانك

ولله درك

دمت مبدع


تحياتي

[منيع]

ابيات اكثر من رائعه
شكرا لك ولحرفك الهادف
تحياتي لكم

[حي الضمير]

صح لسانك وفكرك يابوعبدالله
وابدعت وابهرت ياعميد
وعوااايدك استاذي

[عبدالعزيز البليهد]

صح لسانك ولاهنت يابو عبدالله

نهج الخبير وضع التجارب بكل جزاله في قالب شعري محكم

[محمد عبدالله البدراني]

صح السانك ياطير


مليون مليون صح ال سانك


وعلا شانك


حكم في حكم ماشاءالله عليك يابو عبدالله


لافض فوك

ولاعدمناك



تحيتي وتقديري

[عبدالعزيز ابراهيم المنصور]

الطائر المهاجر

لافض فوك

نص في قمة الروعة

سلمت ولاهنت

ودمت بخير

[سناعيس]

صح لسانك وجاد بينانك يابو عبدالله
دائما وابدا جزل وهادف ولك بصمة رائعه وتغلب عليها الحكمه
لاهنت يالغالي

تحياتي