الا ياطير يمهاجر على جنح الظلام اسراب

[الطائر المهاجر]

بصوت المنشد خازباز

الا يـا طيـر يـا مهاجـر علـى جنـح الظـلام اسـرابتــــدور لـلـدفــاء والاّ ديـــــارك زاهـــــدٍ فـيــهــا

الا ياليـت لـو تاخـذ مـعـك مــن بالحـشـا منـصـابيـــدور لـلـدفـاء بـعـيـون مـــن بالـقـلـب يغـلـيـهـا

تفرقـنـا وضــاع الحـلـم وغديـنـا للـزمـن أســـلابيـحـطّــم كــــل آمــــالٍ مــــع الأيــــام نـبـنـيـهـا

ولا باقـي سـوى الـذكـرى تـنـادي واقـفـه بالـبـابتـبـي مــن ينتشلـهـا مــن عـجـاج صـــار يعمـيـهـا

لــك الله يـازمـانٍ ماصـفـى فــي يــوم لـلأحـبـابيـصـرفـهـم عــلــى كـيـفــه ولا قــــدّر تـوالـيـهــا

حبيـبـي لا تـظـن أنـسـاك مهـمـا كـانـت الأسـبـابعليـك الله وامـان الله دروب العشـق مـا امشيـهـا

على الذكرى اعيش اليوم وبكره ما حسبت حسابلأجمـل مـن مشـى بـالأرض غـيـرك لا.. ولا..ابيـهـا

علـى شانـك اعيـش بعزلـتـي لا أهــل أو أصـحـابادور فـجـر واشـراقـه عـسـى فــي يــوم الاقـيـهـا

الا يـا طيـر لــو تهـجـر ديــارك مــا علـيـك عـتـابأجـل وش ذنـب مـن يبقـى بهـا مــع حــر صاليـهـا

ديــارٍ مــا بـهـا مــن حــب قلـبـي كـلـهـا أتـعــابولـو حاولـت مـا حاولـت اسلّـي النفـس وارضيـهـا

احـس إنـي غريـب الـدار مـن حولـه غـدو أغــرابكـسـيـر ولا دروا عـنّــه وحــالــه فــــي تـرديـهــا

ظلام الكون في عينـي بعـد مـا بـدر عمـري غـاباعـيـش بــلا أمــل ينـقـذ عــروق الــروح يـرويـهـا

انــا ملـيـت مــن جــرح لهيـبـه نـــازفٍ مـاطــابمسـافـات الـعـذاب وهـاجـس الحـرمـان اخاويـهـا

الا يـا طيـر لــو تـاخـذ مـعـك يــمّ الحبـيـب كـتـابلـعـلـه يـذكــر ايـــامٍ شـربـنــا مــــن مظـامـيـهـا

وكيـف اليـوم ذا حالـي بعـد مـا فشـلـت الأطـبـابولا لـي غـيـر مــن كــان السـبـب يمـكـن يداويـهـا

ولا لي غير من كـان السبـب يمكـن يداويهـا

صح لساانك يبو عبدالله



مبدع دائما وابدا


تحياااااااتي لكـ

[منيع]

عانقت هذه الباذخه فـ0 أسرت بي بين طيات جمالها وعذوبة كلماتها
ورست بي على ضفاف الأبداع والتميز كل ما قمت بالقراءة
رجوت ان تطول بي المسيره لا ارتوي بها
اخي الغالي
مرحبا بهذه الدرة الثمينة الرائعة هذه الباذخه
..جمالها في كمالها وتمامها .. اخذتنا الى مافوق السحاب
ونحن نتمتع بهذا 0 الجوا الرائع من الأحاسيس ....اعلم اني من المتابعين لنزفك ..
وقد سعدت بقرأة هذه القصيدة المدويه ..وهنا لا يسعني إلا أن اشكرك 0000000 بما متعتنا به
000 فـ صح بوحك دوما وابدا صح لسانك مدد بلا عدد
لك الود بلا حد
اخوك/سراب الرحل

[ابو أنس]

الفاضل ابو عبدالله....................... ..
ان قلت ان لك متع خاصه فقد اتهم بالمجامله
ولكن عشمي انك تعرف رأيي فيك منذقرأت لك
لك الشكر على متعة أهديتها لنا
لك عاطر التحايا

[ماجد المهدي]

الله الله يا المهاجر

صح لسانك يا المبدع

امتعتنا بهالصوت والابيات الراقية

أخوووووووووووك

مااجد المهدي

[ابومياس]

تـدور للدفـاء والاّ ديــارك زاهــدٍ فيـهـا

الله الله عليك يارفيق الدرب

ليس لي شهادة هنا

فشهادتي مجروحة

صح لسانك مدد بلا عدد

دمت بخير

[الطائر المهاجر]

ابقول لكم شئ ولا تضحكون علي ،
اليوم وانا اتتبع بعض قصائدي من خلال قوقل والقى هذه القصيدة وقد نقلت لأحد المواقع ،
أعرف إنها من قصائدي ، لكن ماهيب في الديوان ، ولا في الهمس ، وارجع للمسودات
والقاها ، يعني كانت منسية ، لولا الأخ اللي نقلها الظاهر مارايح اضمنها في الديوان.
وللمعلومية هذي ثاني قصيدة يحصل معي كذا ، قد يكون لكثرة قصائدي ، وقد يكون
دلالة أكيدة على بداية التخريف ..

[ماجد المهدي]

المشاركة الأصلية كتبت بواسطة الطائر المهاجر

ابقول لكم شئ ولا تضحكون علي ،
اليوم وانا اتتبع بعض قصائدي من خلال قوقل والقى هذه القصيدة وقد نقلت لأحد المواقع ،
أعرف إنها من قصائدي ، لكن ماهيب في الديوان ، ولا في الهمس ، وارجع للمسودات
والقاها ، يعني كانت منسية ، لولا الأخ اللي نقلها الظاهر مارايح اضمنها في الديوان.
وللمعلومية هذي ثاني قصيدة يحصل معي كذا ، قد يكون لكثرة قصائدي ، وقد يكون
دلالة أكيدة على بداية التخريف ..

ههههههههههههههههههههه

ترى غصب عني ضحكت:d

الله يحفظك يا المهاجر

وما شاء الله عليك يا القرم

تقبل مروري الثاني

اخووووووووووك

مااجد المهدي

[عبدالرحمن الصباح]

صح السانك على هالقصيده الجزله وسلمت يمينك مبدع دائما تقبل ودي واحترامي وتقديري