يا سعد

[الطائر المهاجر]

ياسعد وش تقول لعود ماهوب تايب= بعد طرد النوادي اشترى له مصيبه
شاد قصر الفطاحل وشاف منه العجايب= مرتكز طول يومه كيف يقدر يسيبه

نعرف الحل كان إنا عرفنا السبايب=ياصحيب على الدعوى يشاور صحيبه
طير ياطير وهاجر لاصبح الظن خايب=والقصر ماله إلا واحد يعتنيبه

[الطائر المهاجر]

خايفٍ من طياحه بعد ذيك التعايب = ومجلس فتح يغلق لابدا به معيبه
صرت مقدر اطيّر ولا احتمل للهبايب = وانت خبرك ادور في السما عن حبيبه

ياهل الذود ياللي تحتمون الركايب=خلوا العلم يرسخ فالعقول اللبيبه
لاتفكر بعيد وخل عنك الحبايب=اعشق المرجله ما غيرها لي صحيبه

[مهدي الحبابي]

أخوي عثمان العبدالله صح لسانك وبيض الله وجهك

أخوي سعد صح لسانك وبيض الله وجهـك

محاوره رايعه بين شاعرين جزلين

لكما فاائق احترامي وتقديري

[الطائر المهاجر]

الحبيبه ببالي ما بها من معايب = وكل واحد بحبه لو شكى من لهيبه
فيها كل المراجل لحاضر اوكان غايب= لكن المشكله لاذقت منها لتيبه

لاتحمل بمالا تستطيعه ياشايب=فالزمان الغريب نشوف حاجه غريبه
الجبل مايهزه صلف نود الهبايب=والمراوغ يراوغ مير ربه حسيبه

[الطائر المهاجر]

الحبيبه غزال شهدها دوم ذايب = في لساني ولااقدر ابتعد لو قريبه
ساطيه بالضمير ولا درت باللتايب= كل ما اقبل تقفي كالنجم في مغيبه

لاتحسب انك اللي لزم روس الذوايب=لو بعلمك درى المجمول بيطر جيبه
الهقاوي كبار ولو تسوق الكتايب=ماحد في حياته ياخذ إلا نصيبه

اخوي مهدي الحبابي مرورك ومتابعتك شرف لاعدمتك
لاهنت لاهنت يالذيب

المشرف العام

اللعب معك مفيد وممتع

ولكن انا مظطر للخروج واستأذنك

لنا لقاء بإذن الله ولك تحياتي