معانات موظف

[ابو أنس]

عزمت  لي  ربعن  على   غير   ميعادتالي  الشهر  والجيب   نافض   غباره

قالو   تمام   ورحت    للبيت    منقادابي   الستيره    والكرم    والشطاره

قلت افزعو قالو  هلا  سم  وش  عادآمر  وتلقى  لك  على  الطيب   شاره

هات المقاضي واجتهد  وانس  الاجهادوابشر   ببيض   الوجه   زايد    مهاره

هات  الإدام  اللي  يكوّم   على   الزادهات   اللحم   هات   الدجاج    وبهاره

فزعت    للمسلخ    واناقرم    الاولادواخترت  من   زين   اللحوم   وفقاره

قلت  اطلب  المبلغ  وانا  اليوم   نقّاددراهمي  في  الجيب   ماهيب   اعاره

قال ادفع ادفع مامعك واطلب  اسناددراهمك   ذي   من   حساب   البراره

بالكاد  يصفي  لك  عظم  بس  بالكادركبة   بعير   ومعلفه    في    غضاره

يوم   انلفع   وجهي   وصديت   مافادوجهي من الفشله تساقط¸â‚¬وقاره

عديتها   واقفيت    والهم    بي    زادقلت الدجاج إيدامط¸â‚¬عم  ونظاره

ميّلت    للهندي    واناقول     يااستادكوده     يجاملني     بطيب     العباره

عصّب  وناظرني  يقول   انت   استادانتانفر     مسكين     شغّال      اداره

بس  انتظار  آخر   شهر   حق   ميعادراتب   يجي   مافيه    يعرف    تجاره

هذادجاج     الحين      جامد      وبرادغالي   كثير   اشلون   يبغى   خساره

مشيتها      مرقوق      لله       مارادتاليط¸â‚¬حينٍ    عندنا    به    كداره

[عبدالعزيز البليهد]

ههههههههه يالله من فضلك المرقوق مايلاحن مامثله

الموظف على النقوط الله يعينه

صح لسانك ولاهنت

[الطامي]

ابو انس
صح السانك ملايين
ابداع لافض فوك اخي
شكرا لك

[داعي الشوق]

ههههههههههههههههههه

روووووووووووووووعه يا بو انس

قصيدة احداثها مثيره و سيناريو جميل من شاعر أجمل

صح لسانك و دام حرفك و هتانك

[منيع]

ياسلام عليك
توظيف ساخر وعلى الجرح
شكرا لك
تحياتي

[الطائر المهاجر]

حلوه وفي وقتها
ولكن العنوان ينبغي ان يكون
"الموظف والغلاءالفاحش "
صح لسانك
ولاهنت
تحياتي

[عبدالله الشويمان]

صح السانك يا ابو انس

سيناريو كوميدي في قصيده جميله

لا هنت لا هنت

[محمد بن عمار]

السلااااااااااااااااام عليكم
ابوانس يارجاااااال لاتكشف
المستور الدنيا ما تحلا الا
بشقاها وانا اخوك ..
كان قبّطتوا على ضب ...!!!!!!
هههههههههههه
تحياتي لقلبك الكبير

[سعيد عوده الحويطي]

صح لسانك ابو انس دايم مبدع والمثل يقول من جاد بجوده ما اردي والله لا يحوج. للي ما يعرفون اسلومنا وعاداتنا. تقبل مروري واحترامي.

[الراقي]

صح لسانك كلك روعة
اجــدت في بيانك
وبقي التمـــيز عنوانك