دارنـا مـمــلــكـتنا

[داعي الشوق]

دارنا مملكتنا لا عدمناها = كلنا دونها والباغي نردة
مملكتنا بها الابطال تحماها = ما يعيش الخصيم اللي نجي ضدة
مالبسنا السيوف الحمر لولاها = من حدود الخليج الي بحر جدة
نحتميها وبالارواح نفداها = نطرد المعتدي عنها ورا حدة
دارنا ما تهز القوم مبناها = عزها فالرخاء وإلا على الشدة
كل من حدتة دنياة ينصاها = والخبر يم عدوان العرب ودة
ضد الاعداء اللي خبثت نواياها = حصن الاعداء ولو هو عالي نهدة
كل طاغوت شوق النفس ومناها = من يعادي الشريعة لعنبو جدة
يحسبنا طماعه حين يبغاها = لو معه عقل يمشي به على قدة
حربة الموت لا وقفت شريناها = عن بلدنا العزيزة ما لنا صدة
وغير سنة محمد ما رضيناها = مستعدين بالإعداد والعدة
ولو تطول المسيرة ما شكيناها = كيدكم في نحركم يا هل الردة
ما علينا من العدوان ورضاها = كم صبرنا وحاولنا لنا مدة

[سناعيس]

صح لسانك أخ سعود
والله لايهينك

تحياتي

[الطائر المهاجر]

صح لسانك وبيض الله وجهك
ولا هان راسك
فللوطن حق علينا
ضد عادي خبيثٍ في نواياها
لاهنت يالغالي
تحياتي الطيبة

[ابومياس]

الاخ سعود صح لسانك

كفيت ووفيت

نص للوطن يعج بالمشاعر الوطبية الصادقة

دام حرفك

ودمت بخير

[مبروك بن ماضي]

اخوي المبدع :
الشاعر / سعود بن سعد الحافي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[الصريح العتيبي]

الاخ الشاعر/سعود الحافي000000000سلمه الله
صح لسانك واعتلى شانك ولاهان راسك
جزله00جزله
(ليش نعيش على ثراها ان كان مانحماها)
بيض الله وجهك
تقبل مروري ودمت بخير

[مهدي الحبابي]

أخوي سعود الحافي

صح لسانك واعتلا شانك

رايعه بروعة حضورك

لك فائق احترامي وتقديري

[الأموره]

صح لسانك و علا شانك

تسلم على هالقصيد الغاوي

الف شكر لك

دمت برعاية الخالق

[الطامي]

سعود الحافي
((( واي )) اين الكصيده لم تظهر لي
عموما انا مع الربع صح السانك ولا هنت يالغالي

[داعي الشوق]

يا هلا بالشعراء الفطاحل والشاعرات الماجدات

تشرفت بمروركم وردودكم الطيبه

علما أن هذه القصيدة أطــــول من ما هي عليه الآن ..

إخترت منها هذه الآبيات وتم عرضها لكم بكل تقدير

وبودي أن أكتب رد خاص لكل منكم لأنه يستحق ذلك ولكن عمر المحبه والتقدير لا تقاس بكلمات هنا وهناك

ومثل ما قيــــــــــــل المحبه بالقلب والقدر بالصدر ..

والف شكر لكم

ولكل من رد بعد ردي هذا له المحبه والتقدير