اكل حقوق الايتام

[مشعل التريباني]

بسم الله الرحمن الرحيم

الشاعر / مشعل عسام التريباني الشمري

(( آكل حقوق الأيتام ))

قولوا لمن ياكل حقوق اليتامـــــــا (1) لا يامن النكبات من رب الأربـــــــــاب

نفسٍ ذبحها قبل ســــن الفطامـــــا (2) بدون لايوجد مبرر ولا اسبـــــــــــــاب

زيّن له الشيطان طعم الحرامــــــا (3) والله عن حقوق المساكين ماغـــــــــاب

وش عاد لو زكا وصلا وصامــــا (4) مايقبل الله مــــــــــــــد ظالم وكـــــذاب

يزرع وزرعه مقتفيــــه الصراما (5) وحصدت منه ذنوب منها الصبي شـاب

حمّلت نفسك مــن كثير الأثامـــــا (6) ونسيت يومٍ تختلف فيه الأصحــــــــاب

يومٍ تحاسبّه جميــــــع الأنامـــــــا (7) في ساعةٍ به ينتهي دور الانســــــــــاب

تخيّل إنك عند ربــــــــك تقامـــــا (8) ويقال لك جاوب ويعرض لك كتــــــاب

وعن الامانه يسألونـك شمامــــــا (9) امام من كوّنك من مــــــي الاصــــلاب

امام من يحي رميــــم العظامـــــا (10) قيّوم يعلـــــــــم ماتبيّن وما غــــــــاب

وتذكّر إن الله عزيـــــــز المقامــــا (11) هو الذي كونك من حفنة اتــــــــراب

واذكر عجائب قدرته بانتظامـــــا (12) تبصّرو في خلقكم ياهل الالبـــــــــاب

سبحان من يعط العطايا يالجساما (13) صحة عقل تمييّز من عند وهــــــــاب

يمهل ولا يهمل وعدل الحكامــــا (14) ويحاسب المهمل على قدر ما جـــــاب

ومن راح عقله كالنّعم ما يلامـــا (15) مهي تفرّق بين راعي وقصــــــــــــاب

لكن مع العاقل يحل الخصامـــــا (16) مايغفر الله ذنب راعيــــــــه ماتــــــاب

[الطامي]

التريباني
ماشاء الله
ابداع لافض فوك
وصح السانك ملايين
شكرا لك

[هترل]

مشعل التريباني
صح لسانك مليون ولا يكفون
نص مميز كعادتك لاهنت

تحياتي وتقديري

[عبدالمحسن الرحمه]

نص راقي كاروعة شخصك صح السانك احترامي لك ياقدير

[داعي الشوق]

صح لسانك يا مشعل

و اثابك الله على ما قدمت ..

قصيدة عن قصايد

ابدعت يا مبدع ولاهنت

[نجم الإبداع]

صح لسانك يامشعل

مصافحه حكيمه

لاهنت شاعرنا

لاهنت

[منيع]

ابيات جزلة وتحمل ابعاد انسانية
شكرا لك
تحياتي

[الطائر المهاجر]

توجيه رائع من شاعر رائع
لاهنت
صح لسانك مليون
تحياتي العطره

[مشعل التريباني]

الطامي
هتروول
عبالمحسن العمر
شكرالكم جميعا على المروروالاطرى الله لايهينكم

[مشعل التريباني]

داعي الشوق
نجم الابداع
منيع
الطائر المهاجر
شكرالكم جميعا على المروروالاطرى الله لايهينكم