أنــــــا بعدك بقايا انسان

[شجون القصيد]

سلامٍ من خفا روحي على الغالي شعاعه بان = سلامٍ لولفا صحـرا زهـور الفـل يورقهـا
أنا ولهان لعيونه وشوفـه غالـي الأثمـان = رياح الشوق في نفسـي تغربهـا تشرقهـا
انا لا ابعدت عن عينه تجاذبني الهموم الوان = ونفسٍ باعدت غالي دموع الحزن تعشقهـا
انا يا نور هالدنيـا احبـك مابهـا كتمـان = ونفسي لو بغت تشرح ترى الكلمات تشرقها
انا بعدك مثل طفلٍ ولد فـي ديـرة الافغـان = فتح عينه على ارضه وبوش بنار يحرقهـا
انا بعدك مثل بنتٍ تحرا عرسهـا الفتـان = وجاها قتل معرسها نهـار العـرس فارقهـا
انا بعدك مثل طيرٍ يلاحقه الصقـر شيهـان = تولاه الهلع والخوف اليـن حشـاه مزقهـا
انا بعدك مثل شعـرٍ بـلا قـافٍ ولاميـزان = قصيده خطها ساقط بشيـن اللفـظ يطرقهـا
انا بعدك مثل لوحه تحـرا ريشـة الفنـان = وجاهـا مدعـي فنـه وفتحهـا وغمقـهـا
انا بعدك مثل ورده ترائت بأجمـل الألـوان = قطفها جاهلٍ غافل وبيـن ايديـه يسحقهـا
انا بعدك وانا بعدك وانا بعدك بقايا انسـان = براح ارضٍ جفاه السيل وطول الوقت شققها
انا والله يمين الله وحق الله عظيـم الشـان = بأن الروح لك وحدك عن الغاليـن بايقهـا
انا لو هالفضا صفحات يعلم خالق الاكـوان = واوصف به غلاك اليوم اظن الحب يغرقهـا
ولو كان الحبر ذاك المحيط اللي جنوب عمان = اظنه نش من بدري اليـن يخيـل بارقهـا
سقاك الله يادياره بمـزن الغربـي الهتـان = ديار اللي لـه عيونـي عن الباقين غلقهـا

[الطائر المهاجر]

انا بعدك مثل طفلٍ ولد فـي ديـرة الافغـان
فتح عينه على ارضه وبوش بنار يحرقهـا
وتلاه مجموعة متقنه من الصور والأخيله
التي تنم عن حس مرهف وقوة في الإبداع
اظنه نش من بـدري اليـن يخيـل بارقهـا
وانا اظنه طاحت حرف الفاء من نش
صح لسانك مليار ولا تكفي ياشجون
وبيض الله وجهك
تحياتي الطيبة

[منيع]

ابداع وتميز
شكرا لك ولحرفك الراقي
تحياتي وتقديري

[الطامي]

شجون
صح السانششش ملايين
جزلة من شاعرة جزلة لافض فوكي
شكرا لكي

[محمد الأحمري]

الله الله الله الله الله
عليك يا أختنا الشاعره الجزله
قوة في التصوير والمعنى
وكلمات تخرج من قلب حساس
فتبصم في القلوب
وفقك الله
يعجز اللسان عن الوصف
ونفتخر بوجود شاعرات
بيننا لهم حجمهم وثقلهم
دمتي في حفظ المولى
ونحن بإنتظار جديدكـ القادم

[عذب القوافي]

شجون القصيد

صح اللسان وجاد البيان

نص وافي من وافيه

لله درك يالغاليه

تقديري ,,,,,,

[داعي الشوق]

يا شجوون القصيد

صح لسانك ملاييين
مع التحية لك

[مهدي الحبابي]

الاخت شجون القصيد

صح لسانك وسلم فكرك

حضور رايع

تقبلي احترامي ومودتي

[نجم الإبداع]

ياسلام على الجمال والابداع

المبدعه((شجون القصيد))

صح لسانك وقلبك شاعرتنا الرائعه

مصافحه راقيه وابداع متجدد

لاهنتي


تقبلي مروري

وتقديري

[فارس القوافي]

شجون شجون شجون شجون

درر

نص ارواني واغرقني في جماله

شجون رغم الألم اللذي تسلّل في جميع حروفك

الاّ انه يشبع جشع قراءتي

سيلٌ حنان وبركان ألم

الله عليك


صح لسانك على هذه الفاتنة

ابدعت بكل المقاييس

دمت لنا بهذا التميّز