تجمّل

[عبدالعزيز البليهد]

صباح المطر والأجواء المبهجه ،،، وكل عام وانتم بخير وصحه وسلامه ،،
آمل ان ترتقي لذائقتكم فطاحلة الأدب

الزين يامر بيننا ويــــــتدلل = والشين لاشفناه مقبل سرينا
ام العيون النجل لوما تكحل= هامو بها الشعار والعاشقينا
ماثور يادرب الجمال المبجل= قبل الفراشه تعشق الياسمينا
ياليل لاجا من نوده تجمل = خذ راحتك بالحيل طول علينا
خيم لياما تحتك الصبح ينسل = وليا غلبك الصبح علم حدينا
العمر واحد والليـــالي تبدل= ولاكل يومٍ عن همومه سلينا
دام الزهر في ناعم الروض مبتل= عقب الندى ندراه لمسة يدينا
خل النفوس المثقله هم وعلل = تنفظ غثاها ماوراء ما شقينا

[منيع]

ياسلام عليك
صباح الحب والابداع والتميز
تسلم اخي عبدالعزيز
على هذه الابيات الاكثرمن رائعه
وكل عام وانت طيب
تحياتي

[الطامي]

البليهد
والشين لاشفناه مقبل سرينا
رائعة من رائع لافض فوك اخي
صح السانك ملايين

[الطائر المهاجر]

صح لسانك وقلبك
ولا هان راسك
جزلة من راس جزل وشاعر مبدع
تحياتي الطيبة

[عمر ال شيبي]

صدق لاهنت

محلى كلامك على الصبحيه

صح لسانك ا هنت ابد

[نجم الإبداع]

ياسلام ياعبدالعزيز

مصافح وقاف كايف

صح لسانك مليون

لاهنت

وكل عام وانت بخر

[شجون القصيد]

الزين يامر بيننا ويتدلل
............ والشين لاشفناه مقبل سرينا


......... هههههههه



الله عليك استهلااال راااائع

لافض فوك شاعرنا

نص رااائع عانق السماء

ماأروعها من مشاعرْ

خطتها لنا أرقى الأحاسيس وأسماها

قصيدة رائعة وساحرة بكل ما فيها من جزالة ومعنى ومبنى

سلمت لنا أناملكـ ..و دام عطر قوافيك كتبت فأبدعت

وارويتنا شعرا حد الثماله

تقبل اعجابي بسمو حرفك

تحياااتي

[حمود السكراني]

صح لساااااان ملياار وأكثر =
بحق رائعة لله درك=
ماثور يادرب الجمال المبجل=
قبل الفراشه تعشق الياسمينا=
وسلم بوحك=

[داعي الشوق]

صح لسانك يالشاعر الرائع
عبدالعزيز البليهد
معاني جميلة

و كلمات شاعرية جميلة

صح لسانك مع التقدير لك

و التحية

************

[حوريه]

ياليل لاجا من نوده تجمل
..........خذ راحتك بالحيل طول علينا
خيم لياما تحتك الصبح ينسل
.........وليا غلبك الصبح علم حدينا
العمر واحد والليالي تبدل
..........ولاكل يومٍ عن همومه سلينا
***
والى صفالك زمانك عل يا ضامي
....... اشرب قبل لا يحوس الطين صافيها


عبدالعزيز 00شكلك في قمة الروقاااان

قصيده رااائعه وجميله

صح قلبك واحسااسك

دمت ودااام عزك

تحيتي وتقديري

000