حاول تمشي سواليفك على امثالك

[احمد الكثيري]

السلام عليكم ورحمة الله



أخواني وأخواتي أعضاء منتديات الفطاحله بعد غياب طويل شوي


بسبب ظروف الدنيا وانشغالنا اعود لكم بهذا النص المتواضع



وهذه قصيدة جديدة كتبتها يوم الخميس23/4/1431هـ

أتمنى أن تنال أستحسانكم ,,,,,,,,,



أسمها (( حاول تمشي سواليفك على امثالك ))



إليكم القصيدة

ايميلي ورقم جوالي وعنواني = ارجوك لاعاد تطريها على بالك
ياخاين العهد قلي وش تبي ثاني = ارحل وخلك تغرد بالفضا لحالك
جازيت راعي الوافا بسيه ونكراني = من بعد ماكان بعيونه يتفدالك
الغدر واضح وباين وسط الاعياني= واضح غموضك بنصك وايضا ارسالك
عندي كرامه وعزة نفس يافلاني= حاول تمشي سواليفك على امثالك
ماهمني كلمة القاصي ولاداني=اجمح كما الخيل لا توصدلي حبالك
واطير مثل الصقر فراد جنحاني=لا تغري القلب بازهارك وبغلالك
ماني بمغرور انشد كل انساني=من قبل ماتعلن بعادك وترحالك
روّح ولاني على فرقاك زعلاني=خذها نصيحه ترى ما قلتها الا لك
مادام طاوعت عدوانك وعدواني=ارسلت كل الذي في البال يطرالك
ارحل وقفل على الموضوع وانساااني = وان كان في صفحتي الجو يصفالك
ناظر بيعينك ماقال ابن .... =ومسح جميع الذي يطري على بالك

[داعي الشوق]

صح لسانك يا شاعر النص والمعنى

هناك خطأ في قافية الصدر في البيت الاخير

يبدو انك استعجلت و لم تراجع

ولاهنت

**********

[عمر ال شيبي]

نـاظـر بيعيـنـك مـاقـال ابــن؟؟؟؟؟؟؟؟

ومسح جميع الذي يطري على بالـك

صح لسانك لا هنت وكمل البيت اظنه وقع خطا

[منيع احمد القرني]

قصيده رائعه
امتعتنا وافدتنا
صح لسانك
اخوك منيع القرني

[احمد الكثيري]

المشاركة الأصلية كتبت بواسطة داعي الشوق

صح لسانك يا شاعر النص والمعنى

هناك خطأ في قافية الصدر في البيت الاخير

يبدو انك استعجلت و لم تراجع

ولاهنت

**********

اخي الغالي شكرا لمرورك ورسالتك وصلت
مرورك اسعدني واضاء متواضعتي
تعمدت ذلك لانه ماقال ابن هنا اسم الوالد حفظه الله
لاهان راسك

[احمد الكثيري]

المشاركة الأصلية كتبت بواسطة منيع احمد القرني

قصيده رائعه
امتعتنا وافدتنا
صح لسانك
اخوك منيع القرني

هلا وغلا صبي بالقرن
شكرا لمرورك الجميل
هنا يكون اسم الوالد حفظه الله وشكرا لك مره اخرى

[احمد الكثيري]

المشاركة الأصلية كتبت بواسطة عمر ال شيبي

نـاظـر بيعيـنـك مـاقـال ابــن؟؟؟؟؟؟؟؟

ومسح جميع الذي يطري على بالـك

صح لسانك لا هنت وكمل البيت اظنه وقع خطا

هلا وغلا يا النشمي مرورك اسعدني لك تقديري
التوضيخ اسم والدي بهالخانه

[منيع]

ابداع وتميز
شكرا لك ولحرفك الراقي
تحياتي لكم

[صوت الإحساس]

صح لسااانك و لله درك


تحياتي يالغالي

[زهرة اللوتس]

صح لسانك
جزل ومبدع لاهنت
وتحية طيبه