ما كل من سمّي سعودي قبلناه

[الطائر المهاجر]

https://www.tiktok.com/@alfatahilah/...965522?lang=ar

ما كل من سمّي سعودي قبلناه = حتى ولو هو مثبته في الهويّه
فاللي سعودي تعرفه يوم تلقاه= حرٍّ أصيلٍ ما يداني الدنيّه
رمز الشهامه تاجده يوم تنخاه= ورمز الشجاعه لا بدت يوم هيّه
يامر ولا يومر مدام الله اعطاه = عرش الزعامه بين كل البريه
له هيبته في وقفته قبل ممشاه = الارض تعرف خطوته بالسويّه
ولا شفت من تاقف له الناس لرضاه= فهو سعودي ما بها من مريّه
انصه مدام إن الرجاجيل تنصاه = وابشر بسعدك تنضوي تحت فيّه
مخلوق لامرٍ واحدٍ دوم يهواه = يقود كل الخلق لاجمل سجيّه
احقاق حق ابلا نفاق وممالاه = ونشر العداله بين كل الرعيه
سيفٍ على الباطل من الدين يحماه= يفداه عمره مايخاف المنيّه
تاج العرب فخر العرب درع لحماه= ما للعرب دون السعودي هويّه

[منيع]

صدقت واجدت يادكتور
شكرا لك
تحياتي

[داعي الشوق]

ماشالله ، صح لساانك
معاني جزله وفخمة
صح لساانك مدد

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا داعي
على كريم المتابعه
لاهنت
اطيب التحيه

[بنت النور]

صح لسانك مليون ولا يسدون
لاهنت
التقدير والاحترام

[الطائر المهاجر]

شكرا بنت النور
على كريم المتابعه
لاهنتي
اطيب التحيه