ياســـعـــــود......!

يــاسـعـــــود....!

ياسعـود... احفـظ للزمن هالعـبارات

واحفـظ كـلامـي فـي حـروف القصيده

هـذا الزمـن يابـوك مابـه صـداقات

مابـه سـوى جـرح ٍولـوعـه فـريـده

مـصـالح ٍتـبقى على كـل الاوقـات

وكـل ٍيـدور لـه مـصـالـح جـديـده

مابه سـوى من عاش عمره بضـحكات

وان جـيـت لـه هـم اللـيـالـي يـزيده

خـلك مع اللي لاقـسى الوقـت بآهات

ياقـف مـعـك دام المـواقـف شـديـده

واحرص على شخص له العز رايات

والـلي عـلى الـفـزعـات يـبـقى وليده

عـلى صـديقـه مايحـسب بـزلات

فـيـه الخـصال الطـيـبه والحـمـيده

والديـن لاتـنساها هيهـات هيـهات

كـانـك تـبي طـعـم الحـياة السعـيده

هـذا الـزمـن ياسعود فيه المـعانات

احـذر تـرى دنـياك هـمـك تـعـيده

ولاتحـسب انـك في حـياة الوناسات

احفـظ مع الايـام واعـرف جــديـده

ولاتطـرد المقـفـين لو ذقـت ويلات

مـوت الشـرف ولا الحـيـاة الـنكـيـده

احذر تعيـش بدرب سـود المـتاهات

واذكــر وش الـلي فـي حيـاتـك تـريده

ودرب المـوده ماتجـي فيـه حسرات

الا بـعــد صـوت ٍ يـعـذب نـهـيـده

واذكـر بـدايـه هالزمـن والنهايات

وسـوالـف الــماضـي وذكـرى اكـيـده

والجـود لاتـنـساه يبـقى مـنارات

عــز ٍبـقـى للـطيــب يسـقي وريـده

والجـار والخـوه ودرب المـروات

حــافظ عليـهـن والوصــل لاتـبـيـده

وصيـتي يابـوك حفـظ العـبارات

وذكـر الحـروف وحفـظـها بالقـصــيده

((فهيد البقعاوي))

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

الطائر المهاجر
المؤسس/د.عثمان العبدالله
مودتي وتقديري لشخصك الكريم
على مرورك الذي يسعدني كثيراا

فريد الحرف
عدنان الكريزم/ شاعر/مشرف الشعر الشعبي
عافاك الله على مرووووووووورك العذب

[داعي الشوق]

صح لسانك يالشاعر فهيد

قصيدة طيبة

و إرشادية و جزله ،

تحذّر من مخاطر محيطه

و سعود قدها و قدود

لله دررررك يا فهيد

تصوير جميل لكل الأمور

صح لسانك

مدد بلا عدد

تحيتي لك مع التقدير

[منيع]

ابيات رائعه ومميزه
بارك الله فيكم
تحياتي وتقديري

[مبروك بن ماضي]

الاخ الفاضل الشاعر / فهيد البقعاوي
حضور يروي الذائقه..وحروف رااااقيه
ابدعت وامتعت بهذه الدررره الرائعه بكل المقاييس
صح لسااااانك واعتلى شانك
لك تحياااااتي

[مجدي صالح المبارك]

الشاعر القدير ( فهيد البقعاوي ) صح لسانك على هذه القصيدة التي أطربت أرواحنا و قلوبنا بقراءتها , لك مني فائق التقدير ودمت بكل خير .

[عبدالعزيز البليهد]

اخوي الشاعر الرائع فهيـــــــد البقعاوي

نصيحه من القلب للقلب تتجلى فيها التجربه والحكمه

الله يخلي لك سعود ويخليك له ذخر ويصلحه ويوفقه


صح لسانك يالغالي

[الخنساء]

صح لسانك واعتلا شانك
لاهنت والله يخليه لك ويخليك له

جزلة من شاعر جزل

سلمت ودام حرفك