الطامي المري والصاحب البذئ ؟؟ جبتها حسب الطلب

[الطامي]

شتمتني ياصاحبي مانت مجبـور= وأحشمك من هرج يجيب القطيعه
لو تقلب الدنيا علي قلت معـذور = ماني بمن ينكر جميـل ويضيعـه
مادامها منك فـلا نـي بمقبـور = كل حياتـه عنـد ربـي وديعـه
لاتحسبني بعـد فرقـاك مخطـور = باسلا مثل من هو سلا من رضيعه
لاكن ترى الأيام ياصاحبـي ادور = وفي غيبتي تعرف دهرك وربيعـه
والله يالولا الخوف واقع بمحظور = واخاف من هرجة رفيق وضيعه
لالزمك لو انك على نايف الطور = لزم الحرار لصيدها عقب جيعه
لاكن توفق واترك العلم مستور = مانا بمن ياخذ على الهرج بيعه
ولانا بمن يبحث على الشين بالغور = يكرم الساني حيث نفسي رفيعه
ماني بمثلك اتشدق ومغرور = وان كان تفهم هرجتي ذب ريعه

[كريمة محمد]

الله الله عليك اخى الطامى
قصيدة كلماتها قليلة ولكنها تعبر عن معانى واحاسيس جميلة
تسلم لنا اناملك اخى
ودمت ولا هنت
تحياتى لك

صح لسانك اخى الطامى مليون ولا يسدون
ونحن فى انتظار تكمله هذه القصيدة الرائعة
تسلم اخى
وارجو ان تتقبل مرورى واعجابى
تحياتى الطيبة لك

يسلمووو اناملك شاعرنا الطامى
قصيدة بها ابيات روووعة
الله يعطيك الف الف عافية
ولك منى فائق التقدير والاحترام
تحياتى لك
.............................. ...

[يوسف الشقران]

الطامي المري

انا قريتها من فتره ولاحصلي ارد



بس الحين ماعندي الا اني اقول

صح لسانك وفكرك وكلك


تحيه من القلب لحضرتك

[يوسف الشقران]

ولانا بمن يبحث على الشين بالغور=يكرم الساني حيث نفسـي رفيعـه
مانـي بمثلـك اتشـدق ومغـرور=وان كان تفهم هرجتي ذب ريعـه

لو ندري مطالبينك تزيدها اكثر



صح لسانك

[الطامي]

ابو عيسلى لاهنت وتستاهل المليون وفالك طيب
الجميع دون ذكر شكرا على المتابعه والردود
وفالكم المليون

[الطامي]

ابو عيسى
ادامك الله بعزة دائما وعلى طاعته
اخر ماعند كملتها وكان لي تحفظ على الأبيات الأخيره
حيث انذرته ب (( بذب الريع وفارقني )) لاكن لو ماعملها ومافارقني ايش الحل
اكيد بيد الجمهور الحل
وفالنا وفالكم طيب

[الطائر المهاجر]

لالزمك لو انك على نايف الطـور=لزم الحرار لصيدها عقـب جيعـه
انت قدمت له النتيجة اذا ما فعل
ماقصرت يالغالي
مع أطيب تحياتي

[سناعيس]

الطامي المري
صح لسانك مليون ولا يوفون
الآن أقدر أقول اللي ما قدرت أقوله قبل التكمله
واليوم مادام عندك الموهبه وهالشاعرية الفذه وبهذه الجزاله وليش منيت بها علينا
عموما بيض الله وجهك وبانتظار القادم من الإبداع

تحياتي