ليتني في السوق ما قطيت مالي

[الطائر المهاجر]

ليتني في السوق ما قطيت مالي = لين ما خسرته وعودت بطفاره
انخدعت بقولة إنّا في العلالي = باقتصاد كالجبل صعب انهياره
واثره الماخوذ طعس من رمالي = قال به عاصوف ماشفنا غباره
لو شريت مبيسط بسوق الشمالي= كان معتاشٍ على صافي اجاره
او شريت دريدعة دتسن ببالي = انقل العمال من حاره لحاره
واشحنه بالجح في وقت الصوالي = وعند جامعنا ابيعه في مهاره
مكسبي مضمون و انمي حلالي= لين ما املك بشارعنا عماره
مع معارض تحتها بايجار غالي= ومكتب لي فيه انواع التجاره
شركة استثمار في القطب الشمالي= نورد الماء المجمد من بحاره
في قواريرٍ الأربع بالريالي = واصله للبيت في لمح الإشاره
لين ما يبقى منافس كلها لي= ثمن الحقها بتداول في شطاره
وفي تداول سهمها بسعر خيالي= كل يركض يشتري لو باع داره
مثل بيشه والسمك ياهملالي = من حمى اللي راح ماله في خساره
دامها لعبه ابلعب كالتسالي = مثل غيري دام ما خفت الخفاره

[صعبة المنال]

جزلة

سلمت وصح لسانك

صعووب

[نفحات حساسة]

الله الله عليك
صح الله لسانك..ولاهنت
ولى عوده..

[منيع]

ليتني في السوق ما قطيت مالي = لين ما خسرته وعودت بطفاره

ابشر بالعوض في اكتتاب ارامكو يادكتور

[نجم الإبداع]

صح لسانك يبو عبدالله

هو انت باقي مابت من الاسهم ؟

[الطامي]

ياسلام يادكتور
صحيح قديمه لكنك اجدتها وكأنك ترىواقع العالم خاليا
صح السانك
ولا هنت

[الطائر المهاجر]

شكرا صعبه
على كريم المتابعه
لاهنتي
اطيب التحيه

[الطائر المهاجر]

شكرا نفحات
على كريم المتابعه
لاهنتي
اطيب التحيه

[الطائر المهاجر]

شكرا منيع
على كريم المتابعه
لاهنت
اطيب التحيه

[الطائر المهاجر]

شكرا نجم
على كريم المتابعه
لاهنت
اطيب التحيه