في زمانٍ غدا كلٍ يبي الكيمره

[الطائر المهاجر]

في زمانٍ غدا كلٍ يبي الكيمره= ابتلينا بناسٍ كل يوم بقناة
بالترزز بعضهم زاد بمجاهره = لو قناة بعطارد راح شان الفُتات
بالتمكيج تشوفه فيه لمع المره=وينبسط لاسمع صوتٍ اتى من فتاة
معجباته كثارٍ من مصر واسمره= والبضاعه فتاوي من جميع الشتات
وكل شيٍ خبيرٍ فيه بالقيمره = بايع الهرج يحسب من جموع الدعات
دام يلقى نعاجٍ جاهله ما اضمره= صار مقبول هرجه لو سمَج بالسمات
الحصيني يدور مصلحه ما امكره= ولو يفرق جموع الشعب باسم العظات
زارعٍ للفتن من شان يجني ثمره = ومن كشف خطته ينعته باقذر صفات
حتى لو كان مثله هاوي الجمهره= فالمنافس شديد وكل يبغى الغناة
كل واحد يهاجم صاحبه ينحره = وكل واحد يحوش النار لقريصه غداة
للفتاوي جهات فلا تكن حمّره = تنخدع بالحصاني وتترك اللي ثقات
من رجالٍ بزهد وعلم ما افخره= بدار الافتاء وخل اللي كشخ بالعباة

[ساهر الليل]

الله الله

صح لسانك

جزله من راس جزل

تقبل تحياتي وتقديري

[مشعل التريباني]

ههههههههههههههههه
الله الله الله
اخوي الطائر المهاجر
ماجمل هذه المعزوفه
صراحه جيت على الجرح
لله درك شاعر رائعه وقصيدك
يحاكي الواقع ويلامس العقول
تحياتي لك شاعرنا العذب والمميز

[نجم الإبداع]

صح لسانك ياشيخ

رائعه

لاهنت

[حمود السكراني]

قصيدة ناقدة لحالة موجودة للأسف صح لسااانك ياحكيم

[ابراهيم غضيان الشراري]

الله يعطيك العافية على هذه الرائعة يادكتور.
تحياتي وتقديري.

[داعي الشوق]

كتبت و عبرت واجزلت

و صح لسانك و طاب حالك يا بو عبدالله

ولاهنت

[منيع]

ابيات جزلة ورائعة
شكرا لك
تحياتي

[كظيم]

الله عليك
الطائر المهاجر
سلمت وصح لسـانك
ابيات ترسم ما نلاحظ ونشاهد
ابدعت في هذه الجزله
تقبلني وتقبل مروري المتواضع لاهنت
ودي وتقديري

[الـزلـزال]

الطائر المهاجر

نص مميز ومتقن وهادف
من شاعر متميز ورائع في كل مايقدمه لنا
أبدعت وأمتعت طائرنا
حلق بشعرك فوق القمم ولنا الأستمتاع بتحليقه
صح لسانك ملايين ملايين
ولك فائق تحياتي وتقديري